عدد المساهمات : 68 نقاط : 113 السٌّمعَة : 0 تاريخ التسجيل : 13/06/2009
موضوع: رابطة مشجعي الهلال (سيد البلد) الأحد يوليو 12, 2009 3:37 am
الهِــــــــــلال
(1) فريقنا إنت الديمة في طبعك بالجد فريد هلالنا البيك تكتمل السعادة لي كُلِّ عيد كُلَّ الكلام ينداح لو داير أقول فيك نشيد لكن القلم يعجز لما أخُطَّ بيهُو بيت قصيد لأنَّك كائِن في الدواخل والله منذ أمدٍ بعيد وح تظل ساكن في القلوب كُلِّ يومٍ جديد مِنُو الزيَّك وإنت حاضرك وماضيك تليد وأي زول بسمع مُجرَّد صوتك ببقى سعيد عِشقناك لأنَّك حنُون وبتدِّينا المحنَّة يا عميد وحبِّيناك لأنُو البِحبَّك بي حُبَّك بِصبح مجيد إنت الهلال نبع الطيبة والفرحة في كُلِّ مسيد والبِريدك بفديك بالدم وبقدِّم روحُو ليك شهيد فإنت الخفق والنبض والدم البجري في الوريد وإنت زهرة الإلفة الفيها الثماردايماً طالع نضيد
(2) كُلِّ الكون بردِّد إسمك يا الهلال لأنَّك بتجسِّد الروعة وكُلَّ الجمال منَّك ياما نهلنا محاسِن الخِصال وليك فاهت شفاهنا بي حلاوة الزُلال مافي شبيه ليك والله حتى في الخيال لكن مُمكِن يلقُو من صُورتك الظِلال إنت الحبيب الرقيق والرهيف الدلال بِظلمُوك لو شبهُو بيك حتى الرِيال سقيتنا الحنان جداوِل من النِهال وأغرقتنا في بحار المعزَّة بالمِهال ولما تبعد حنينك لينا ذي طعن النِبال لأننا بنحلم بيك قريب ودايم الوِصال ليك ينتسب النيل الجميل البروِي الرِمال ومنَّك تنعكس الإضاءة البِتهِدَّ الجِبال
(3) إنت البدر الوحيد والمافي منُّو بدُور وألوانك أزرق وأبيض ذي البلُّور ومن رحِيقك تقتبس الورود والزهُور وفي سماك تُطرب وتمرح الطيُور وكُلِّ إنسان منسوب ليك فخُور لأنَّك يتمنح المودَّة والسرُور وتزرع شلالات الهناء والحبُور وديمة تُذكر ومــــرَّ العصُور إستادك دوام مليان بالحضُور وأحفادك بمتدُّو لي مدى الدهُور من قوَّتك تهاب حتى النمـُـور ومن فراستك تلتهب الصدُور الكُل بشجِّعك حتى النسُور لأنو جمهورك بِرعب حتى الصقُور
(4) يا قمرنا إنت والله سيد البلد فمنُو الزيَّك أنجبتُو بلادنا ولد إنت بس الحبيب والفخر والسعد وإنت الرائِد والقائِد البيك السند منَّك نستلهم المواقيت والوعد ونملأ حياتنا منَّك بالعيش الرغد صوت جمهورك هدير ذي الرعد وحارس مرماك في عرينو ذي الأسد كورتك طراوة تقول طعم الشهد وإدارتك ماشة للوفاء بالعهد وصُحُفك كثيرة قدر الرهد تدافع عنَّك لي يوم اللحد ولعيبتك حافظنَّها من المهد وحُسَّادك مُكبلين بي حبل من المسد
كاش مونى نائب المدير العام
عدد المساهمات : 67 نقاط : 82 السٌّمعَة : 0 تاريخ التسجيل : 15/06/2009 العمر : 33 الموقع : www.mugrn.net
موضوع: رد: رابطة مشجعي الهلال (سيد البلد) الخميس يوليو 16, 2009 1:25 pm
الهلال المانافع الشايل كيس دقوه وماشى فى البيت قاعد مدسى مع الحريم قاعد والمريخ ماشى ينافس ماعنو اتغلب لكن المهم انو مشى وقاتل
السريحابي مشرف المنتدى العام
عدد المساهمات : 66 نقاط : 97 السٌّمعَة : 0 تاريخ التسجيل : 07/07/2009
موضوع: رد: رابطة مشجعي الهلال (سيد البلد) السبت يوليو 18, 2009 12:46 am
كاش مونى كتب:
الهلال المانافع الشايل كيس دقوه وماشى فى البيت قاعد مدسى مع الحريم قاعد والمريخ ماشى ينافس ماعنو اتغلب لكن المهم انو مشى وقاتل
هي يا المريخاب وتناني هي والتالته في راوندا بطلو الفصاحة دي واليلة الموعد في الملعب
بت النيل عضو مشارك
عدد المساهمات : 29 نقاط : 31 السٌّمعَة : 0 تاريخ التسجيل : 06/07/2009
موضوع: رد: رابطة مشجعي الهلال (سيد البلد) السبت يوليو 18, 2009 10:24 am
احيييييييك ادمين كاش موني امشي العب بعيد
Admin المدير العام
عدد المساهمات : 68 نقاط : 113 السٌّمعَة : 0 تاريخ التسجيل : 13/06/2009
موضوع: رد: رابطة مشجعي الهلال (سيد البلد) الأحد يوليو 19, 2009 12:58 am
الهلال يخرج بنقطة غالية من استاد ةالمريخ في مساء امس
حيث تغلب علي المريخ بعد الاصابة التي اصيبها المحترف كابوندي والاصابة للاعب سامي عبد الله ومع ذلك اثبت لنا الهلال انة كبير
والمبارة القادمة سوف يثبت الهلال نفسة اكثر فاكثر
السريحابي مشرف المنتدى العام
عدد المساهمات : 66 نقاط : 97 السٌّمعَة : 0 تاريخ التسجيل : 07/07/2009
موضوع: رد: رابطة مشجعي الهلال (سيد البلد) الأربعاء يوليو 22, 2009 1:01 am
الكبير كبير وللأمام ياسيد البلد ياخ بس لو كان في شوية تركيز كان فزنا علي التكاسي ديل قصدي المريخاب ديل
كاش مونى نائب المدير العام
عدد المساهمات : 67 نقاط : 82 السٌّمعَة : 0 تاريخ التسجيل : 15/06/2009 العمر : 33 الموقع : www.mugrn.net
موضوع: رد: رابطة مشجعي الهلال (سيد البلد) الخميس يوليو 23, 2009 12:44 pm