--------------------------------------------------------------------------------
بدون مقدمات.......
الإنسان في حياتو في ناس كتااااااااااااااااااار
منهم البيفضل مرتبط بيهو ..
ومنهم البتفرق بينهم أشياء خارجة عن الإرادة...............
ببساااااطة كده زي تشكييييييييييلة فريق الكورة ..
أكيد في الكورة بيكسب الفريق صاحب التشكيلة الأقوى ..
وبيحقق البطولات والإنجازات.....
واللعيبة السيئين , المفروض مايكون عندهم مكان في التشكيلة دي...
في حياتنا العادية , الإنسان لازم يختار الناس الحوليهو , ويـتأكد من إختيارو ..
ولازم تكون التشكيلة حقتو مدعمة , بالناس البيحبوهو جد وبيخافو عليهو وبتهمهم مصلحتو
يعني مثلا:
في مكان حارس مرمى : الزول البيحميك ويقيف جمبك في وقت المحنة..(الصديق المخلص)
الدفاع :لازم يتكون من الناس البيخلصوك من الحزن والهم ويقيفوا في ضهرك..(العائلة)
خط الوسط: ديل لازم يكونوا جمبك في أي وقت وتتمحور عليهم حياتك ويكونوا الأساس في أي شي...(مجموعة أصدقائك المقربين)
خط الهجوم : ديل الناس البساعدوك في تحقيق الإنجازات والأهداف المهمة في حياتك.(زملاء العمل)
يعني بإختصار ......
وبعد الهترشات دي كلها
إهتم بالناس الحولك وإهتم بتكوين تشكيلة حياتك ...
عشان بدونهم الوصول للأهداف وتحقيق الإنجازات بيكون صعب ...
تقبلوا تحياتيـــ